Temps de lecture : < 1 minute
![](https://indocile.press/wp-content/uploads/2020/11/Tir-Sab-Rose-Belle.png)
Rali avek sab otorize
Pouvwar dan zot lame ?
Lapolis diboute gete
Kamera inn aret fonksione ?
Aplodi nouvo demokrasi
Dan lanfer paradi
Larme vwayou zwenn ar bandi
Zot pa konn koze, zot zis vomi
Ena konstrir sato lor disab
Lezot gagn drwa tir sab
Ki sann-la premie responsab ?
Pa koz manti, aret fer palab !
Enn sel lepep, me sab ek lepe
Enn menas pou lape
Larme vwayou alim dife
Lapolis prefer get lot kote…
Rali avek sab otorize
Pouvwar dan zot lame ?
Letan zot fini fer reklam
Ki lapolis pou sey tengn laflam ?
![](https://indocile.press/wp-content/uploads/2020/09/Indocile-MD-Pieds-dans-le-Plat.png)